انتقد الناقد الفني قرار نقيب المهن التمثيلية الدكتور أشرف زكي بمنع البلوجرز من دخول مجال التمثيل، معتبرًا أن هذا القرار يتعارض مع منطق الفن وروحه، ويخالف مبدأ تكافؤ الفرص والعدالة الإبداعية.
طارق الشناوي يعلق على قرار أشرف زكي
قال طارق الشناوي، خلال لقائه في برنامج «مساء الياسمين» مع الإعلامية ياسمين الخطيب، على قناة الشمس: «شايف إن القرار ضد المنطق والعدالة، منة شلبي وهي عندها 17 سنة ماكنتش بتعرف تمثل، لكن المخرج الكبير رضوان الكاشف علمها التمثيل في فيلم الساحر، دلوقتي بقت ممثلة قديرة وعندها رصيد كبير، لو طبقنا نفس المعيار ده، منة ماكنتش اشتغلت ولا حتى سعاد حسني»
من نفس التصنيف: بعد الأحداث الأخيرة التي مرت بها شام الذهبي.. ياسمين صبري تقدم دعمها لها بهذه الوسيلة
وأضاف طارق الشناوي: «المعيار الوحيد المفروض يكون هو الموهبة، الجمهور هو اللي بيحكم، وهو اللي يقرر ينجح أو يفشل أي فنان أديله فرصة، لو فشل، الجمهور هيرفضه بنفسه»
وأشار إلى أن كثيرًا من نجوم الكوميديا لم يتخرجوا في معاهد فنية، قائلاً: «معظم نجوم الكوميديا زي عادل إمام وسمير غانم خريجين كلية زراعة، مش ضروري تبقى خريج معهد فنون علشان تبقى ممثل»
قرار دكتور أشرف زكي ضد البلوجر
وكان قد أكد على رفضه مشاركة «البلوجر» و«التيكتوكر» في الأعمال الفنية، مشيرًا إلى فرض غرامة مليون جنيه على أي منتج يقرر مشاركتهم في عمل، قائلًا في لقاء تليفزيوني: «إحنا مروحناش درسنا وإدينا عمرنا للمهنة عشان في الآخر نسيبها لمشاهير التيك توك، لأ حد يجي يقعد مكاني، أنا بدافع عن المهنة لن تكون مهنة من لا مهنة له، منبقاش مستلمين مصر هوليوود الشرق ونفرط فيها، إحنا مصر أم كلثوم وعبدالحليم وعبدالوهاب، مصر فاتن حمامة وشادية وأحمد زكي وعادل إمام ومحمود عبدالعزيز وعظماء مش عشان ناس طلعوا على التيك توك عايز تجيبهم في فيلم هتدفع غرامة مليون جنيه»
اقرأ أيضًا:
شوف كمان: فريدة سيف النصر تؤيّد شمس البارودي بعد انتقادها لمحمد رمضان.. ما هي التفاصيل؟
التعليقات