علّقت الإعلامية سالي عبدالسلام على واقعة القبض على البلوجر علياء قمرون، بعد توجيه اتهامات لها ولعدد من صُنّاع المحتوى بنشر فيديوهات خادشة للحياء ومخالفة لقيم وأخلاقيات المجتمع.
وكتبت «سالي» عبر حسابها على «فيسبوك»: «عشان تبقي تشحت هناك وتغني بقى.. سجن النسا!»
مواضيع مشابهة: حمدي الميرغني ينعى خاله سليمان عيد بكلمات مليئة بالعاطفة
وأضافت: «جبتوا للناس اكتئاب! دكاترة ومهندسين وشباب زي الفل بيشقى ويتعب بالحلال، وربنا هيكرمهم والله… إنما أنتم فاكرين نفسكم ناصحين، وإنكم بتقلبوا موازين الدنيا؟ لا والله، ما يصح إلا الصحيح، وأي حد يدافع عنكم يبقى زيكم!»
وتابعت: «مش لازم تتحبسوا، بس اتشديتوا شدة جامدة.. والبلد دي فيها قانون محترم، وكل يوم بتثبت كده كفاية إن اسم الواحد يقترن بقضية، ده في حد ذاته ابتلاء كبير!»
وأكملت: «عرتونا قدام الناس! فاكرين إن كل المصريين زيكم؟ أنا لما كنت بشتغل بره مصر، كنت ببقى مكسوفة ومش عارفة أرد، والناس واخدينكم مسخة، وشايفينكم متسولين.. كبسوا كبسوا!»
واستطردت: «يقولك المصريين دمهم خفيف.. طبعًا حضراتكم فاهمين يقصدوا إيه! شوية بهلوانات! الحقيقة صعبانين عليا أهاليكم.. الفقر مش عيب، لكن قلة الأدب وقلة القيمة عيب!»
مقال له علاقة: محمد صبحي يدخل المستشفى بسبب وعكة صحية مفاجئة.. إليكم القصة الكاملة
واختتمت رسالتها قائلة: «تحية للداخلية.. الشرطة المصرية، وكل من سعى إنه يعلمكم الصح! وكل اللي ساعد في إنكم تطلعوا للنور وتبقوا مشاهير.. ربنا يسامحه!»
التعليقات